Bllokoi për disa orë fluturimet, zjarri i madh alarmoi aeroportin e Gjenevës

Nga OraNews Përditësimi i fundit 20 Maj 2022, 22:14

Një zjarr i madh u regjistrua në aeroportin e Gjenevës pasditen e së premtes, 20 maj. 

Për shkak të tymit të dendur, asnjë ngritje apo ulje e avionëve nuk ishte e mundur deri në orën 19:00.

"Shtatë ose tetë makina zjarrfikëse po lëvizin drejt zonës së aeroportit të Gjenevës për të vlerësuar situatën. Është një kantier ndërtimi që është prekur”, tha për Blick Nicolas Millot, zëdhënës i shërbimit të zjarrfikësve dhe shpëtimit.

Zjarri ka rënë në kantierin e qendrës së ardhshme federale të azilit dhe jo në ndërtesën e aeroportit. 

Tymi i zi pushtoi zonën por askush nuk u lëndua.

Flakët u vunë në kontroll vetëm në mbrëmje, duke bërë të mundur edhe rifillimin e fluturimeve.