Macja ukrainase fiton çmimin botëror të blogeres
Nga Ora News Përditësimi i fundit 20 Maj 2022, 10:05
Një mace e famshme nga Kharkiv mblodhi 10 mijë dollarë përmes llogarisë së saj në Instagram për strehat e kafshëve në Ukrainë.
Stephan që ka mbi 1.3 milion ndjekës në Instagram, u vlerësua me çmimin Botëror të Ndikuesve dhe Blogerëve, gjatë ceremonisë së filmit në Kanë më 18 Maj.
"World Influencers and Blogger Award" është një ceremoni që nderon blogerët më të suksesshëm në të gjithë botën. Paratë e mbledhura nga Stephan do të shkojnë për të gjitghë kafshët që po vuajnë nga lufta në Ukrainë.
Pronarja e Stephen, Anna tha se dyshja u larguan nga qyteti verilindor i Ukrainës në mars dhe kaluan kufirin në Poloni përpara se të zhvendoseshin në Francë. Prej disa muajsh ato vazhdojnë të mbledhin fonde për tu ardhur në ndihmë kafshëve në vendin e tyre, të prekura nga lufta.
