Bylykbashi: Rama pakt me Alibeaj për ta shitur presidentin e ri si konsensual
Nga OraNews Përditësimi i fundit 19 Maj 2022, 11:28
Deputeti demokrat Oerd Bylykbashi akuzon Alibeajn se ka marrë përsipër të bëjë 84 votat për Partinë Socialiste për të zgjedhur presidentin dhe për ta shitur atë si president konsensual.
Ai e krahasoi marrëveshjen e djeshme mes Alibeajt dhe PS me atë të Bashës në 18 maj 2017.
Oerd Bylykbashi: "Më 18 maj 2017 Basha i fali Ramës zgjedhjet duke mos pranuar që të mos përdorej koalicioni. Rama ja lejoi heqjen e koalicionit që ta lejonte Bashën të dilte nga çadra e të hynte në zgjedhej dhe Basha e pranoi marrëveshjen. Dje me 18 maj 2022, 5 vite më pas, u shpall një marrëveshje e re. Taulant Balla i dha të drejtën deputetit Alibeaj që të propozojë kandidat për president në raundin e dytë e të tretë. Me këtë akt Rama kërkon që kandidatin e tij të preferuar ta sjellë opozita e përcaktuar prej tij dhe ajo ti sigurojë 84 vota për ta shitur si president konsensual. Në marrëveshjen e djeshme Alibeaj ka marrë përsipër që t'ia sigurojë këtë. Alibeaj pranon që Partia Socialiste të caktojë edhe opozitën."
Sot në orën 12:00 zhvillohet mbledhjea e grupit të Partisë Demokratike. Bylykbashi thotë se Alibeaj nuk ka asnjë tagër për ta bërë këtë dhe se i ka thirrur për të legalizuar marrëveshjene e tij personale me Ballën, marrëveshje që i siguron Edi Ramës një president kukull.
Oerd Bylykbashi: "Alibeaj pranoi marrëveshjen që i ofroi Taulant Balla dhe pa asnjë tagër ka thirrur sot deputetët e Partisë Demokratike që të legalizojë marrëveshjene tij personale me Ballën, marrëveshje që i siguron Edi Ramës një president kukull."
