Po shkonin në Rinas/ Taksia del nga rruga: Vdes gjyshja, shpëton nusja me dy fëmijët dhe shoferi
Nga OraNews Përditësimi i fundit 19 Maj 2022, 07:14
Një aksident i rëndë ka ndodhur në orët e para të mëngjesit në askin Milot- Mamurras.
Një taksi e cila po udhëtonte në drejtim të Rinasit ka dalë nga rruga duke u përplasur me një objekt.
Për pasojë ka humbur jetën gjyshja ndërsa janë plagosur nusja dhe dy fëmijët dhe shoferi i taksisë.
Autoambulanca e Laçit pas aksidentit ka dërguar të plagosurit për në spitalin e traumës, por gruaja nuk ka mundur të shpëtojë. 2 fëmijët ndodhen në spital, jashtë rrezikut për jetën.
Mendohet se shkak i aksidentit është përgjumja e drejtuesit. Ndërkohë drejtuesi i mjetit është shoqëruar për në polici.
Organet kompetente po hetojnë shkaqet e plota të këtij aksidenti.
Ky është aksidenti i 11 që ndodh në harkun kohor të 1 jave në rrugët e qarkut të Lezhës me 3 viktima dhe 22 të plagosur.
