Ironia e deputetit rus: Janë çmendur. Europa do të blejë naftë ruse, por nga vendet e treta
Nga Ora News Përditësimi i fundit 4 Maj 2022, 11:50
Deputeti i rus Vladimir Dzhabarov ka deklaruar se BE do të vazhdojë të blejë naftën ruse përmes vendeve të treta edhe pas vendosjes së embargos.
Ai i tha agjencisë shtetërore të lajmeve RIA Novosti se udhëheqësit europianë janë "çmendur pak".
"Ata thonë se nuk do të blejnë naftë nga ne dhe ne nuk i detyrojmë aspak. Gjithsesi naftë e jona është edhe ajo që ata do të marrin nga vendet e treta", ka thënë Dzhabarov.
Një deklaratë e tillë vjen pas përgatitjes këtë javë të paketës së gjashtë të sanksioneve ndaj Rusisë të BE.
