Chelsea rrezikon shkrirjen dhe 11 vite histori për shkak të tekave të Abramovich
Nga OraNews Përditësimi i fundit 3 Maj 2022, 20:51
Nuk dëshiron ta shesësh për një shumë më të ulët se 4.5 miliardë? Atëherë përgatitu që edhe mund ta humbasësh të gjithë vlerën e pretenduar. Klubi i Chelseat që po drejtohet nga një bord i pavarur në procesin e shitjes, nuk ka marrë ende asnjë lajm pozitiv sepse Roman Abramovich e ka vendosur stekën shumë lart dhe askush nuk është në gjendje të paguajë shumën e kërkuar nga manjati rus që do të largohet nga drejtimi i bluve pas 19 viteve suksese.
Abramovich ka deklaruar se Chelsea është një çështje pasioni dhe jo parash po veprimet e fundit tregojnë të kundërtën. Në një letër dërguar Departamentit të Kulturës dhe Sportit, institucioni që po mbikëqyr procesin e shitjes, biznesmeni rus kërkon që blerësi t’i paguajë edhe 1.6 miliardë euro shtesë që në këtë rast bëhet fjalë për investimet e tij në klub gjatë dy dekadave.
Nëse përplasja do të vazhdojë të bllokojë shitjen e klubit, atëherë Chelsea rrezikon 117 vite histori sepse konsorciumi i drejtuar nga amerikani Todd Boehly dhe britaniku Jim Ratcliffe nuk janë të gatshëm të plotësojnë kërkesën shtesë të manjatit rus.
