Urdhri i ministrisë së Bujqësisë: Ndalohet peshkimi i krapit në periudhën e shumimit
Nga OraNews Përditësimi i fundit 29 Prill 2022, 11:31
Ministrja e Bujqësisë, Frida Krifca pas përfundimit të mbledhjes së qeverisë bëri me dije vendimin e ri të miratuar në Këshillin e Ministrave.
Bëhet fjalë për sektorin e shërbimit, i cili është strategjik dhe i rëndësishëm për të ruajtur nivelet peshkore të të gjithë liqeneve dhe deteve, sipas ministres.
Krifca: Ky është një vendim në përputhje me politikën evropiane të peshkimit. Për sa i takon ruajtjes dhe vënies në dispozicion të niveleve të rendimentit të qëndrueshëm për të zvogëluar zëniet e padëshiruara dhe për të eleminuar mbeturinat. Jemi në një sektor që ka pasur rritje të rëndësishme.
Do vazhdojmë ta mbështesim sektorin e peshkimit. Njëkohësisht dua të përmend dhe në urdhër të dalë nga ministria e Bujqësisë për ruajtjen e niveleve të zënies së krapit, i cili është përmendur në media. Ka të bëjë me një urdhër normal të çdo vitshëm për të mos peshkuar në liqenet ku krapi tani ka periudhën e shumimit.
