Legjenda ruse sulmon Djokoviç: Serbët që nuk mbështesin Ukrainën, janë të papërshtatshëm
Nga OraNews Përditësimi i fundit 25 Prill 2022, 17:41
Ka një debat të madh në sport rreth përjashtimit të rusëve dhe bjellorusëve nga aktivitetet e mëdha, ku një prej tyre është Wimbledon.
Numri 1 i botës, Djokoviç doli në mbrojtje të sportistëve nga Rusia dhe Bjellorusia duke deklaruar se kanë të drejtën e tyre të garojnë dhe nuk duhet të përjashtohen.
Por nuk është në një mendje, Gary Kasparov, legjenda ruse dhe botërore e shahut që menjëherë ka sulmuar tenistin serb madje duke i kujtuar dhe luftën.
“Rusia mund të jetë në gjendje të konkurrojë sipas renditjes në Wimbledon, por ata po vrasin nga kombësia. Atletët rusë që nuk e dënojnë luftën shfarosëse të Putinit në Ukrainë e mbështesin atë me heshtje. Dhe një serb që nuk e bën këtë është veçanërisht i papërshtatshëm duke pasur parasysh historinë”, ishte përgjigja në distancë e Kasparov naj Djokoviç duke i kujtuar që edhe Serbia ishte sulmuar nga NATO dhe duke kujtuar një gjë të tillë ata duhet të mbështesnin pikërisht Ukrainën./Ora News/.
Russia may play by ranking, but they kill by nationality. Russian athletes who do not condemn Putin’s war of extermination in Ukraine are supporting it with silence. And a Serb failing to do so is especially inappropriate, considering history. https://t.co/jhdxFdzpBl
— Garry Kasparov (@Kasparov63) April 25, 2022
