Shumë zhurmë për asgjë, Kukësi nuk arrin të festojë për stadiumin e ri
Nga OraNews Përditësimi i fundit 23 Prill 2022, 22:10
Nuk i përgjigjet atmosferës dhe festës për stadiumin e ri ndeshja e javës së 30 mes Kukësit dhe Laçit. Pak raste dhe shumë rrëmujë në fushën e lojës në një përballje ku nuk mungoi as tensioni.
Kryeministri Edi Rama që rrallëherë ëshë i pranishëm në një stadium të Superiores, u bë dëshmitar i një sfide që në fund u pushtua nga njerëz të panjohur që mësynë fushën e sapo inaguruar të “Kukësi Arena”.
Përsa i përket futbollit të luajtur, ndeshja prodhoi pak dhe tashmë dy skuadrat do të kërkojnë të ruajnë pozitat aktuale me kurbinasit në vendin e dytë dhe 5 pikë diferencë nga verilindorët që kërcënohen nga Partizani me 3 pikë më pak.
