Zyrtari ukrainas: Pesë të vrarë dhe 18 të plagosur nga raketat ruse në dy qytete
Nga OraNews Përditësimi i fundit 25 Prill 2022, 17:07
Të paktën pesë persona janë vrarë pasi raketat ruse goditën dy qytete në rajonin qendror Vinnytsia të Ukrainës, ka thënë zyra e prokurorit rajonal.
18 të tjerë u plagosën nga sulmet në infrastrukturën e transportit në Zhmerynka dhe Kozyatyn, thanë zyrtarët.
“Armiku po përpiqet të godasë infrastrukturën kritike”, citohet të ketë thënë guvernatori rajonal nga agjencia e lajmeve Reuters në një video të publikuar në Telegram.
Zyrtarët ukrainas thonë se pesë stacione hekurudhore janë sulmuar në Ukrainën qendrore dhe perëndimore.
