Krimi trondit qytetin, katër persona u gjetën të vdekur brenda kësaj banese
Nga OraNews Përditësimi i fundit 19 Prill 2022, 16:05
Një çështje kriminale misterioze ka tronditur qytetin e Chemnitz në Gjermaninë Lindore.
Katër trupa të pajetë u zbuluan vonë të hënën në mbrëmje në një shtëpi në lagjen Mittelbach ku jetonin dy familje.
Sipas policisë, viktimat janë banorët e shtëpisë, dy meshkuj të moshës 32 dhe 72 vjeç dhe dy femra 34 dhe 69 vjeçe.
“Sipas hetimeve paraprake, të katër personat vdiqën dhunshëm”, tha një zëdhënëse e policisë.
“Sipas statusit aktual të hetimit, nuk ka të dhëna për persona të tjerë.”
Se çfarë ka ndodhur saktësisht pas mureve në pronën e mbipopulluar është e paqartë.
Hetimi është në vazhdim.
Një gjë është e sigurt, trupat u gjetën rreth orës 22:00.
Familjet që jetonin në këtë shtëpi mësohet se bënin jetë shumë të izoluar.
Prona është rrethuar nga forca të shumta të policisë.
Disa autovetura ishin në vendngjarje edhe mëngjesin e kësaj të marte për të marrë të vdekurit.
