Presidenti i ri? Nesër konsultimet me 3 grupe parlamentare, përjashtohet Berisha. Më 4 Maj seanca e parë

Nga OraNews Përditësimi i fundit 18 Prill 2022, 13:31

Nis numërimi mbrapsht për zgjedhjen e presidentit të ri që do të ulet në karrigen që do të lërë Ilir Meta.

Socialistët janë të vendosur të zgjedhin presidentin e ri brenda muajit maj.

Madje nën argumentin se mazhoranca kërkon një emër ndryshe nga Ilir Meta, Taulant Balla dhe Elisa Spiropali kanë sqaruar procedurën e votimit në çdo një muaj dhe përjashtimin e komisionit të rithemelimit të PD nga negociatat

Neser negociatat

Partia Socialiste nis nesër pasdite një proces konsultimi me opozitën lidhur me zgjedhjen e presidentit të ri.

Në takimin që do të mbahet të martën pasdite janë të ftuar të tre kryetarët e grupeve parlamentare ndërsa duket qartë se pjesë e këtyre negociatave nuk do të jetë Komisioni i Rithemelimit.

“Enkelejd Alibeaj, Mesila Doda, Fatmir Mediu ftohen në një takim paraprak në zyrat e kuvendit të Shqipërisë me qëllim që të nisim të vendosim parimet kryesore të një dialogu konstruktiv mes 4 grupeve parlamentare” tha Balla sot në një konferencë për median.

Pyetjes pse nuk keni thirrur një përfaqësues të komisionit të Rithemelimit?

Balla iu përgjigj: "Kushtetuta parasheh konsultime brenda kuvendit. Kandidati mbështetet nga firmat e 20 deputetëve. Nuk di që të ketë një grup parlamentar Komisioni i Rithemelimit me këtë emër në Republikën e Shqipërisë. Kështu që nuk e  njoh"

"Jemi gati të flasim me ta atëherë kur kanë përfaqësim në Kuvend' tha Spiropali

Procesi i konsultimeve do të mbyllet brenda datës 29 prill kur mblidhet dhe konferenca e kryetarëve

Ashtu si dhe kryeministri veproi më Këshillimin kombëtar, socialistët kanë deklaruar nëj email ku  çdo person mund të propozojë emrin e presidentit

 

Seanca e parë për zgjedhjen e presidentit do të jetë e posaçme e do të zhvillohet më 4 maj.

Ajo çfarë synojnë socialistët është një president krejt të kundërt nga Ilir Meta.

“Gjithkush mund të thotë që President më të dobët e ky që ikën nuk ka dhe natyrshëm kush vjen do jetë më I mirë. Një president normal, krejt të kundërt nga ai që kanë parë tek Ilir Meta”

“Një president që të na nderojë” tha Spiropali.

Procesi i përzgjedhjes

Hapi 1- Çdo deputet u grupit PS, përmes një formulari propozues do të ketë mundësi të propozojë joë më shuëm se 3 kandidatë/ kandidate. Nesër do e depozitojnë në një sekretari të posaçme dhe më pas propozimet do vlerësohen nga Balla, Spiropali dhe Gjiknuri.

Hapi 2 - Qytetarët që duan të bëjnë ndonjë propozim mund ta dërgojnë atë në adresën zyrtare email [email protected]

Hapi 3 - Fton shoqërinë civile dhe në një takim për të marrë propozim për një emër.

Hapi 4 - Negociata me krerët e 3 grupeve parlamentare në Kuvend.

Presidentit Ilir Meta i përfundon afati më 24 korrik, por Balla shprehet se procesi ka nisur më herët për të qenë në kohë. Ndërsa ende socialistët, të paktën publikisht, nuk e kanë një ide të qartë për figurën e kreut të shtetit.