Atentati i dështuar ndaj djalit të policit në Durrës dhe lidhja me vrasjen e vëllezërve Haxhia
Nga Mark Brunga Përditësimi i fundit 18 Prill 2022, 10:43
Hijet e parave të vjedhura në Rinas kanë dalë në hetimin për atentatin ndaj ish-efektivit Orlando Paplekaj i sulmuar në Shijak. Ky i fundit në dëshminë e tij ka thënë se plumbat nuk ishin për të, por paralajmërim për të tjerë.
Atentati ndaj ish efektivit të policisë Orlando Paplekaj të shtunën në Shijak mbetet pa autorë dhe i mbuluar me të panjohura.
Dëshmia dhe pretendimet e të riut që u sulmua duke lëvizur me kamionçinë që shpërndan gaz po e orientojnë hetimin në pista të reja.
Ai ngulmon se nuk ka qenë ai objektiv i atentatit dhe mund të jetë ngatërruar.
Në shënjestër të sulmit, sipas tij mund të ketë qenë një person “i panjohur” për të që aty pranë në kohën e sulmit.
31-vjeçari dhe askush tjetër nuk u prek nga plumbat.
As makina që përdorte për shpërndarjen e gazit të lëngshëm nuk u dëmtua.
Për ish-policin, atentati mund të jetë paralajmërim për punëdhënësin e tij.
Ndaj hetimet për ngjarjen janë shtrirë në disa pista deri tek grabitja e parave në Aeroportin e Rinasit.
Vëllai i shënjestrës ishte kunati i Besmir dhe Viktor Haxhiaj të ekzekutuar në prill të vitit të kaluar.
Ekzekutimi i tyre sikurse Anxhelo Avdisë dhe Dorian Shkozës dyshohet se është porositur nga i njëjti grup kriminal, i cili kërkon paratë e grabitura në Rinas.
Orlando Paplekaj dyshohet se ka dijeni për ngjarjet për shkak të lidhjeve, por provat për ta mbështetur këtë pistë mësohet se janë të pakta.
Babai i dy fëmijëve, u sulmua rrugën Xhafzotaj-Shijak. nga kjo makinë “Golf”, që rezultoi me targa të vjedhura, çka forcon dyshimet se ish polici është vënë në shënjestër.
Orlando Paplekaj
Orlando Paplekaj
