OKB: Më shumë se 1900 civilë të vrarë që nga fillimi i luftës, mes tyre 162 fëmijë
Nga OraNews Përditësimi i fundit 16 Prill 2022, 11:32
OKB-ja ka regjistruar vrasjen e më shumë se 1900 civilëve që nga fillimi i luftës në Ukrainë, por paralajmëroi se "shifrat aktuale janë shumë më të larta", shkruan BBC.
Nga 1,982 civilë të vrarë midis 24 shkurtit dhe 14 prillit, 162 ishin fëmijë,- tha Zyra e Komisionerit të Lartë të OKB-së për të Drejtat e Njeriut (OHCHR).
2651 civilë të tjerë u plagosën , 256 prej të plagosurve janë fëmijë.
Shumica e vdekjeve ishin shkaktuar nga bombardimet dhe sulmet ajrore, -tha OHCHR.
Komisionerja e Lartë për të Drejtat e Njeriut Michelle Bachelet ka shprehur dhe më parë shqetësimin ndaj raporteve për civilë të vrarë në qytetin Bucha, pranë kryeqytetit Kiev, duke thënë se ata ngritën "pyetje serioze dhe shqetësuese në lidhje me krimet e mundshme të luftës" dhe duke kërkuar që të ruhen provat.
