Akuzohet për raportim të rremë, arrestohet në Siberi gazetari rus
Nga OraNews Përditësimi i fundit 15 Prill 2022, 22:21
Një gjykatë ruse ka urdhëruar arrestimin e një gazetari në një rajon të Siberisë, i cili në një lajm të publikuar tha se 11 oficerë të policisë ruse, kishin refuzuar të merrnin pjesë në një operacion ushtarak rus në Ukrainë.
Gazetari, i cili është kryeredaktor i një faqe interneti në rajonin Khasia të Siberisë, akuzohet për përhapjen e " informacioneve të rreme të qëllimshme ".
Nëse shpallet fajtor, gazetari rrezikon deri në 10 vjet burg.
Artikulli i Afanashev u përhap gjerësisht në rrjetet sociale. Afanashev, 45 vjeç, i njohur për mbulimin e çështjeve të ndjeshme në Khakassia, është përballur me vite të tëra me padi për shpifje për qasjen e tij të pavarur ndaj çështjeve që mbulonte.
Sipas ligjeve të miratuara së fundmi, publikimi i informacionit për konfliktin në Ukrainë që konsiderohet i rremë nga autoritetet dënohet me gjoba të rënda deri në 15 vjet burg .
