Rama: Presim hapjen e negociatave në qershor. Dënojmë njëzëri krimet mizore në Ukrainë, t’i jepet fund luftës
Nga OraNews Përditësimi i fundit 11 Prill 2022, 18:57
Kryeministri Rama ka mbajtur një konferencë të përbashkët me kancelarin gjerman, Olaf Scholz në kuadër të vizitës së tij zyrtare në Gjermani.
Kreu i qeverisë në fjalën e tij, tha se presin që negociatat për integrimin në BE, të hapen në qershor. Rama tha se është i vetëdijshëm që Shqipëria ka shumë për të bërë në të gjitha drejtimet për t'u futur në BE.
Ndër të tjera numri një i qeverisë tha se procesi i integrimit nuk është një proces për të shkuar në Europë por për të ndërtuar një Shqipëri me standartet e Europiane.
Edi Rama: Gjeta një gatishmëri për të shtyrë procesin e integrimit europian të Ballkanit Perëndimore, dhe natyrisht duke filluar nga përmbushja e një faze të procesit për sa i takon Shqipërisë dhe Maqedonisë së Veriut që shpresojmë të ndodhë në Këshillin që do të mbahet në qershor. Jem i të vetëdijshëm që kemi shumë për të bërë në të gjitha drejtimet dhe jemi të vendosur t’I bëjmë të gjitha ato që duhen bërë. Procesi i integrimit nuk është një proces për të shkuar në Europë por për të ndërtuar një Shqipëri me standartet e Europiane.
Kryeministri nga Gjermania, ka bërë thirrje që lufta në Ukrainë duhet të ndalet ndërsa shprehet se dënon krimet që po kryhen atje.
Edi Rama: Ne jemi 100% në një linjë me kancelarin për agresionin rus. I dënojmë njëzëri krimet që po kryhen atje, dhe kërkojmë armëpushim sa më të shpejtë dhe negociata sa më të vërteta për të çuar në përfundimin e këtij kalvari që po shkatërron jetën e miliona njerëzve dhe që faktikisht po bën reale në sytë e të gjithë botës atë që ne mendonim që nuk do përsëritej kurrë më, një luftë në Europë.
