Autobusi kosovar përplaset me tramvajin në Düsseldorf

Një aksident ka ndodhur në stacionin e autobusëve në Worringer Straße, në Düsseldorf, ku një autobus u përplas me një tramvaj. 

Tramvaji doli nga shina dhe drejtuesi i autobusit u plagos lehtë, bën me dije media lokale gjermane RP-Online.

Mësohet se autobusi ka qenë i kompanisë “Barileva Turist”, një agjenci turistike kosovare.

Sipas autoriteteve lokale shkaku i aksidentit mes autobusit dhe tramvajit është ende i paqartë. 

Përplasja ndodhi rreth orës 18:00 të së premtes në mbrëmje, ngjarje në të cilën tramvaji doli nga shinat dhe nuk mundi të vazhdonte udhëtimin.

Punonjësit e Rheinbahn e ngritën trenin përsëri në shina.