Nëna ukrainase 'përdhunohet në mënyrë të përsëritur' nga trupat ruse të dehur ndërsa djali qante
Nga OraNews Përditësimi i fundit 30 Mars 2022, 22:36
Një grua ukrainase ka thënë se ajo u përdhunua vazhdimisht për orë të tëra nga trupat ruse të dehur që qëlluan për vdekje burrin e saj, ndërsa djali i saj 4-vjeçar i tmerruar qante aty pranë.
Duke përdorur pseudonimin Natalya, nëna 33-vjeçare tha për Times se trupat sulmuan shtëpinë e saj në periferi të kryeqytetit, Kiev, më 9 mars.
Natalya tha se komandanti i njësisë, i cili u prezantua si Mikhail Romanov, dukej i dehur.
Ajo tha se dëgjoi një të shtënë te vetme dhe pa trupin e burrit të saj 35-vjeçar Andrey, në tokë pranë portës së tyre të përparme.
"Njëri prej tyre më tha "unë qëllova burrin tënd sepse ai ishte nazist", tha ajo.
Trupat që vranë burrin e saj më pas i thanë asaj: "Më mirë hesht ose do të marrim fëmijën tënd dhe do t'i tregojmë trurin e nënës së tij të përhapur nëpër shtëpi," pohoi ajo.
“Më tha të hiqja rrobat. Pastaj të dy më përdhunuan njëri pas tjetrit."
“Ata nuk u interesuan që djali im ishte në dhomën tjetër duke qarë,” shtoi ajo.
Të dy trupat u rikthyen rreth 20 minuta më vonë për ta përdhunuar për herë të fundit.
33-vjeçarja tha se dy rusët ishin të dehur dhe i kishte zënë gjumi në karrige.
“Më në fund të dy ranë në gjumë në karrige. U futa në dhomën ku fshihej djali im dhe i thashë se duhet të largoheshim shumë shpejt ose do të na qëllonin."
“Ndërsa po hapja portën, djali im qëndronte pranë trupit të babait të tij, por ishte errësirë ... ai nuk e kuptoi se ishte babai i tij,” tha ajo.
Nëna dhe djali arritën në Ternopil, qyteti ukrainas ku anëtarët e tjerë të familjes ishin strehuar, shrkuan New York Post.
