Rama në Bruksel, tre kuaj të zi shfaqen para Kryeministrisë
Nga OraNews Përditësimi i fundit 24 Mars 2022, 17:58
Tre kuaj të zi të vendosur para Kryemninistrisë kanë tërhequr sot vëmendjen e qytetarëve.
Instalacioni mësohet se është pjesë e ekspozitës “Leviatani mekanik” e cila do të çelet ditën e sotme në Qendrën për Hapje dhe Dialog.
Autori i Ekspozitës është artisti Ergys Krisiko.
Krijesa mitologjike e Leviatanit është një përbindësh nënujor i përmendur për herë të parë në Testamentin e Vjetër Biblik.
Ashtu si dhe është shpjeguar në tekstin kuratorial, kjo krijesë është simbol i fuqisë së madhe krijuese të Zotit, por ka edhe anën e errët, pasi shihet gjithashtu edhe si një bishë demoniake dhe e aftë për të vrarë.
Që publiku të ndiejë praninë e veprës, e të reflektojë rreth fuqisë së “Leviatanit”, nëse ajo është e errët apo e padëmshme, jashtë kryeministrisë vendosen edhe tri kuajt.
Pyetja që shtrohet në tekstin shoqërues lidhur me tri krijesat që kanë një pamje të qetë, e qëndrojnë “duke ngrënë bar”, është : E nëse këta mbretër të natyrës së egër nuk kanë frikë përballë Levatianit të madh, pse duhet të ketë vizitori?
