Qeveria u ofron azil 1-vjeçar ukrainasve e personave që largohen nga lufta, krijohet edhe një Task-Forcë

Nga OraNews Përditësimi i fundit 24 Mars 2022, 17:40

Qeveria shqiptare ke vendosur që t’i ofrojë ndihmë shtetasve ukrainas, personave pa shtetësi dhe personave që kanë fituar mbrojtje ndërkombëtare në Ukrainë me strehim në vendin tonë.

Përmes një VKM-je të publikuar në Fletoren Zyrtare ditën e sotme bëhet me dije se do tu jepet mbrojtje e përkohshme shtetasve me shtetësi ukrainase, personave pa shtetësi, dhe personave që kanë fituar statusin e mbrojtjes ndërkombëtare në Ukrainë.

Kështu, shteti shqiptarë do tu japë strehim gjithë atyre  hyjnë masivisht në territorin e Republikës së Shqipërisë për arsye të luftës.

Në vendim thuhet se mbrojtja e përkohshme për këta shtetas fillon nga momenti i hyrjes në Republikën e Shqipërisë për një afat 1-vjeçar.

Nga ana tjetër qeveria ka krijuar edhe një Task-Forcë, si një strukturë e posaçme e përkohshme me afat 1-vjeçar, për menaxhimin e fluksit të kërkesave për mbrojtje ndërkombëtare të këtyre personave.

Vendimi i plotë:

Për dhënien e mbrojtjes së përkohshme shtetasve ukrainas, Personave pa shtetësi dhe personave që kanë fituar mbrojtje Ndërkombëtare në Ukrainë, me vendqëndrim të përkohshëm Ose të përhershëm në Ukrainë, si dhe për krijimin e Task-forcës për menaxhimin e fluksit të kërkuesve të mbrojtjes Ndërkombëtare

Në mbështetje të nenit 100 të Kushtetutës dhe të nenit 82, të ligjit nr. 10/2021, “Për azilin në

Republikën e Shqipërisë”, me propozimin e ministrit të Brendshëm dhe të ministrit për Evropën

dhe Punët e Jashtme, Këshilli i Ministrave

VENDOSI:

1. Dhënien e mbrojtjes së përkohshme shtetasve me shtetësi ukrainase, personave pa shtetësi

dhe personave që kanë fituar statusin e mbrojtjes ndërkombëtare në Ukrainë, me vendqëndrim të

përkohshëm ose të përhershëm në Ukrainë, që hyjnë masivisht në territorin e Republikës së

Shqipërisë për arsye të luftës, cenimit të jetës së civilëve të pambrojtur, përshkallëzimit të

veprimeve të armatosura ndaj popullsisë civile, që kërkojnë mbrojtje nga Republika e Shqipërisë.

2. Mbrojtja e përkohshme jepet edhe për ata shtetas ukrainas apo persona pa shtetësi dhe

persona që kanë fituar statusin e mbrojtjes ndërkombëtare në Ukrainë, me vendqëndrim të

përkohshëm ose të përhershëm në Ukrainë, të cilët kanë hyrë dhe po qëndrojnë në territorin e

Republikës së Shqipërisë për shkaqet e përcaktuara në pikën 1, të këtij vendimi.

3. Mbrojtja e përkohshme për këta shtetas fillon nga momenti i hyrjes në Republikën e

Shqipërisë për një afat 1-vjeçar.

4. Përjashtohen nga e drejta e mbrojtjes së përkohshme të gjithë personat të cilët plotësojnë

një nga kushtet e përcaktuara në nenin 83, të ligjit nr. 10/2021, “Për azilin në Republikën e

Shqipërisë”.

5. Autoriteti përgjegjës për azilin dhe refugjatët mund të vendosë që kërkuesit t’i kufizohet

liria e lëvizjes, nëse e konsideron të nevojshme, bazuar në vlerësimin individual të secilit rast,

sipas përcaktimeve të neneve 46 e 47, të ligjit nr. 10/2021, “Për azilin në Republikën e

Shqipërisë”.

6. Krijimin e Task-Forcës, si një strukturë e posaçme e përkohshme me afat 1-vjeçar, për

menaxhimin e fluksit të kërkesave për mbrojtje ndërkombëtare nga shtetasit e përcaktuar në

pikën 1, të këtij vendimi.

7. Task-Forca kryesohet nga ministri përgjegjës për rendin dhe sigurinë publike dhe në

përbërje ka këta anëtarë:

- Ministrin për Evropën dhe Punët e Jashtme;

- Ministrin e Mbrojtjes;

- Ministrin e Financave dhe Ekonomisë;

- Ministrin e Arsimit dhe Sportit;

- Ministrin e Shëndetësisë dhe Mbrojtjes Sociale;

- Ministrin e Turizmit dhe Mjedisit;

- Ministrin e Drejtësisë.

7.1. Sipas nevojave, ftohen të marrin pjesë përfaqësues të institucioneve të tjera, me kërkesë të

drejtuesit të Task-Forcës.

7.2. Kur për shkaqe të arsyeshme, ministri drejtues apo ministri anëtar nuk mund të marrë

pjesë në mbledhje, atëherë në vend të tij merr pjesë, përkatësisht, zëvendësministri, përfaqësues i

ministrit në mungesë ose një përfaqësues i nivelit të lartë drejtues, i autorizuar prej tij.

2

8. Task-Forca e përmendur në pikën 7, të këtij vendimi, ka këto detyra:

a) Negocion me partnerët ndërkombëtarë për çështjet që lidhen me objektin e këtij vendimi;

b)  Harton  planin  e  veprimit  për  menaxhimin  e  fluksit  të  kërkuesve  të  mbrojtjes

ndërkombëtare, përcaktuar në pikën 1, të këtij vendimi;

c) Koordinon situatën e pritjes dhe akomodimit të shtetasve, përcaktuar në pikën 1, të këtij

vendimi;

ç) Evidenton nevojat emergjente për t’i paraprirë punës me ndryshimet e mundshme të

kuadrit ligjor, nënligjor e rregullator, të cilat ndikojnë në përmirësimin në këtë funksion;

d) Analizon kërkesat shtesë buxhetore për funksionimin, shpenzimet dhe bazën e nevojshme

materiale, si dhe koordinon fondet e donatorëve për këtë qëllim;

dh) Koordinon punën për marrjen e masave për arsimimin e përkohshëm dhe mbështetjen

psikosociale të fëmijëve që i përkasin moshës së arsimit parauniversitar, në përputhje me kuadrin

ligjor në fuqi.

9. Sekretariati teknik i Task-Forcës është drejtoria përgjegjëse për azilin, pranë Ministrisë së

Brendshme.

10. Ngarkohen Ministria e Brendshme, Ministria për Evropën dhe Punët e Jashtme, Ministria

e Shëndetësisë dhe Mbrojtjes Sociale, Ministria e Mbrojtjes, Ministria e Arsimit dhe Sportit,

Ministria e Drejtësisë,  Ministria e Turizmit dhe Mjedisit, si dhe Ministria e Financave dhe

Ekonomisë për zbatimin e këtij vendimi.

Ky vendim hyn në fuqi menjëherë dhe botohet në Fletoren Zyrtare.

KRYEMINISTËR

Edi Rama