"Me llambë të kuqe po eci ka 6 ditë", korçarët kyçin makinat, dalin në këmbë
Nga OraNews Përditësimi i fundit 23 Mars 2022, 14:58
Të ndezësh makinën sot duhet ta mendosh dy herë.
Çmimi i karburanteve ka prekur vlerat historike, ndërsa për qytetarët ato janë të papërballueshme.
Korçarët thonë se këto javë po lënë makinat në shtëpi, ndërsa i përdorin vetëm kur kanë halle.
"E kemi kyçur makinën aty dhe le të rrijë në garazh."
"Më shumë po e lë parkuar makinën, po dalim në këmbë, mirë po na bën. Vështirë, shumë vështirë."
"Me llambë të kuqe po eci ka 6 ditë, si mund ta përballojmë kur unë marr 140 mijë ne lekë. I hodha 20 mijë dje as dritën nuk e fiku."
Të tjerë i kanë zëvendësuar me biçikleta, ndërsa shqetësim shprehin edhe për çmimet e ushqimeve!
"Nafta ka shkuar në stratosferë. Çfarë do bëjmë me pensionin 130 mij lekë, ushqimet, naftën, të gjitha."
Sipas të dhënave nga karburantet të Korçë shitja ka rënë me 30% kjo si pasojë e rritjes së çmimeve.
