Aktori i njohur francez Alain Delon zgjedh eutanazinë, djali i tij: Në atë moment do të jem pranë tij
Nga OraNews Përditësimi i fundit 21 Mars 2022, 16:14
Aktori Alain Delon ka vendosur të zgjedhë se kur do t'i japë fund jetës së tij duke iu drejtuar eutanazisë.
Aktori i madh francez, i cili tani jeton në Zvicër, ka bërë testamentin e tij dhe i ka kërkuar djalit të tij Anthony që të kujdesej për këtë çështje.
Ishte Anthony Delon ai që tregoi historinë në një intervistë për radion franceze RTL.
“Ai më kërkoi ta organizoja kur ta vendosë të përballet me të”, shpjegoi Delon junior.
Ylli francez nuk i ka fshehur asnjëherë idetë e tij për të drejtën për të zgjedhur në mënyrë të pavarur se kur duhet t'i japë fund jetës.
“Nga një moshë të caktuar, të gjithë duhet të kenë të drejtën të largohen në paqe – pa pasur nevojë të drejtohet në spitale, injeksione e të tjera”.
Delon, 86 vjeç, ka qenë duke luftuar për disa kohë me një rehabilitim të mundimshëm nga goditja në tru që e goditi disa vite më parë.
Një problem shëndetësor që kishte shtuar dhimbjen e humbjes së partneres së tij Mireille Darc, e cila vdiq në vitin 2017.
Vendimi i Alain Delon për t'u përballur me eutanazinë do të lehtësohej duke marrë nënshtetësinë zvicerane në vitin 1999.
Megjithatë, për momentin, aktori do të publikojë brenda pak ditësh autobiografinë e tij “Midis qenit dhe ujkut".
