Video/ Momenti dramatik kur avioni me 132 persona bie pingul në tokë

Nga OraNews Përditësimi i fundit 21 Mars 2022, 11:40

Ky është momenti dramatik kur avioni "Boeing 737" me 132 pasagjerë në borg u rrëzua në Kinën Jugore paraditen e sotme, 21 mars.

Avioni i China Eastern Airline  po transportonte 132 persona nga Kunming në Guangzhou.

Sipas institucionit ajror, avioni është rrëzuar ndërsa ishte afër destinacionit ku po fluturonte në lartësinë 1000 metra.

Rënia e avionit ka qenë tepër e shpejtë, pasi në 2 minuta e 15 sekonda ka rënë nga 8800 metra në 1000.

Zona përreth është përfshirë nga flakët, ndërsa në rrjetet sociale u postuan edhe video nga vendi ku ishte rrëzuar i cili ishte përfshirë nga flakët.

Mediat kineze cituan një zyrtar të shpëtimit duke thënë se avioni ishte shpërbërë plotësisht.

Presidenti i Kinës Xi Jinping ka kërkuar që hetuesit të përcaktojnë sa më shpejt shkakun e rrëzimit dhe të garantojnë sigurinë "absolute" të aviacionit.