Zelensky tregon kush është vendi i duhur për bisedime me Putinin
Nga OraNews Përditësimi i fundit 21 Mars 2022, 10:07
Izraeli po bën përpjekje për të ndërmjetësuar midis Ukrainës dhe Rusisë dhe mund të jetë vendi pritës i takimit të nivelit të lartë për të siguruar paqen, tha presidenti ukrainas Volodymyr Zelensky.
Duke iu adresuar parlamentit izraelit, Zelensky tha se kryeministri i vendit Naftali Bennet po përpiqet të gjejë një mënyrë për të zhvilluar bisedime.
Zelensky tha se shpresonte që negociatat të mbaheshin në Jerusalem, pasi sipas tij ai është vendi i duhur për të gjetur paqen, nëse do të jetë e mundur.
Zelensky e ka ftuar presidentin e Rusisë Vladimir Putin për një takim kokë më kokë për të zgjidhur tensionet në Ukrainë.
