Rusët plagosin 5 persona në autokolonën e evakuimit që po udhëtonte për në Zaporizhzhia
Nga OraNews Përditësimi i fundit 16 Mars 2022, 17:41
Një autokolonë evakuimi nga qyteti Enerhodar në mes të vendit u vu nën zjarr teksa po udhëtonte drejt qytetit të Zaporizhzhia, thonë autoritetet ukrainase.
Një kolonë prej më shumë se 70 automjetesh u nis pas orës 11 të mëngjesit me orën lokale (5 pasdite ET), tha kryetari i Enerhodarit, Dmytro Orlov.
Por pesë orë më vonë, kolona u godit nga zjarri i artilerisë ndërsa kalonte pranë qytetit të Stepnohirsk, sipas administratës rajonale.
"Artileria e forcave armike qëlloi mbi një kolonë civilësh pranë Stepnohirsk që lëvizte përgjatë autostradës drejt Zaporizhzhia," informoi Oleksandr Starukh, kreu i administratës së rajonit të Zaporizhzhia, në kanalin e tij Telegram.
"Nuk ka të vdekur. Aktualisht dihet se janë pesë të plagosur, duke përfshirë një fëmijë në gjendje të rëndë."
"Aktualisht, fëmija i plagosur po i nënshtrohet një operacioni kompleks me përfshirjen në distancë të specialistëve të Klinikës Okhmatdyt. Një zjarr shpërtheu në terren përgjatë rrugës si pasojë e granatimeve."
Enerhodari u pushtua nga rusët më 4 mars.
