Gazetari i Fox News plagoset teksa raportonte jashtë Kievit

Nga OraNews Përditësimi i fundit 14 Mars 2022, 20:27

Një gazetar i Fox News të Amerikës është plagosur teksa raportonte jashtë kryeqytetit të Ukrainës, Kiev.

Duke njoftuar lajmin drejtpërdrejt në transmetim, John Roberts, i America Reports, thotë se ka "shumë pak detaje, por ekipet në terren po punojnë sa më shumë që të munden për të mbledhur më shumë informacion" mbi atë që ka ndodhur".

Prokurorja e Përgjithshme e Ukrainës, Iryna Venediktova, kishte thënë më herët se një gazetar perëndimor ishte plagosur sot dhe po kujdesej për të nga mjekët ukrainas.

Gazetari dhe regjisori amerikan Brent Renaud, 50 vjeç, u qëllua dhe u vra në qytetin ukrainas të Irpin, ndërsa punonte në rajon ditën e djeshme, 13 mars.

Dy gazetarë të tjerë u plagosën dhe u dërguan në spital.