SHBA: Qytete të shumta të Ukrainës janë rrethuar nga ushtria ruse
Nga OraNews Përditësimi i fundit 10 Mars 2022, 23:17
Departamenti Amerikan i Shtetit beson se forcat ruse kanë rrethuar shumë qytete pasi shkatërruan pjesën më të madhe të infrastrukturës së tyre kritike, tha zëdhënësi Ned Price.
Price nuk specifikoi se cilat qytete ukrainase janë aktualisht të rrethuara.
Në fjalët e tij, Price akuzoi qeverinë ruse për përhapjen e propagandës në qendrat e popullsisë për të thyer vullnetin e ukrainasve.
Ai shtoi se sulmet ruse në qytetet e Ukrainës kanë lënë banorët pa ujë, energji elektrike, ushqime dhe ilaçe.
Shumë njerëz, shtoi Price, nuk kanë mundur të shpëtojnë si rezultat i bombardimeve të pamëshirshme.
Në një përditësim të veçantë të enjten, Ministria e Mbrojtjes e Mbretërisë së Bashkuar tha se Rusia po angazhon një numër të shtuar forcash për të rrethuar qytetet ukrainase.
