OKB rezolutë kundër Rusisë, Rama: Vota “pro” e Serbisë unifikon Ballkanin Perëndimor me Perëndimin

Nga OraNews Përditësimi i fundit 2 Mars 2022, 18:56

Asambleja e Përgjithshme e OKB-së ka votuar në favor të një rezolute që dënon pushtimin e Rusisë dhe i bën thirrje asaj që menjëherë të tërheqë të gjitha forcat e saj nga Ukraina. 

Në lidhje me këtë ka reaguar edhe Kryeministri Edi Rama duke thënë se tashmë Rusia hyn në periudhën e vetmisë më të madhe të historisë së saj. 

Ndër të tjera kreu i qeverisë thotë se vota pro e Serbisë kundër Rusisë unifikon Ballkanin Perëndimor me Perëndimin.

Edi Rama: 141 vende ndëshkojnë Rusinë me votimin e tyre në OKB kundër agresionit ndaj Ukrainës. Rusia hyn në periudhën e vetmisë më të madhe të historisë së saj me veç 4 vende ultradiktatoriale që i qëndrojnë në krah!Vota e Serbisë kundër Rusisë unifikon Ballkanin Perëndimor me Perëndimin.

Rezoluta u mbështet nga 141 nga 193 anëtarët e trupit në një sesion të rrallë urgjent të Asamblesë së Përgjithshme të thirrur nga Këshilli i Sigurimit i OKB-së.

5 shtete kanë votuar kundër dhe 35 abstenim. Mes shteteve që kanë votuar Pro është edhe Serbia. 

Vendet që votuan kundër:

1-Rusia

2-Koreja e Veriut

3-Eritrea

4-Siria

5-Bjellorusia