Rusia nis pushtimin e Ukrainës, bota dënon sulmin e Putinit, KS në takim urgjent
Nga OraNews Përditësimi i fundit 24 Shkurt 2022, 07:48
“Operacioni special ushtarak” i presidentit rus Vladimir Putin në Ukrainën lindore është dënuar me shpejtësi nga disa vende.
Autorizimi nga Putin u bë në të njëjtën kohë kur Këshilli i Sigurimit i Kombeve të Bashkuara u mblodh vonë të mërkurën për takimin e dytë urgjent këtë javë për të nxitur de-përshkallëzimin dhe kthimin në bisedimet diplomatike.
Mediet ruse raportuan duke cituar Putinin se ai kishte dhënë miratimin për operacionin në rajonin Donbas të Ukrainës, ku Moska më parë njohu territoret e kontrolluara nga rebelët në Luhansk dhe Donetsk dhe tha se ata kishin kërkuar "ndihmën" e tij.
Ja si po reagon bota:
Ukrainë
Ministri i Jashtëm i Ukrainës, Dmytro Kuleba, tha se Putini kishte “filluar një pushtim në shkallë të plotë të Ukrainës” dhe se qytetet paqësore ishin “nën goditje”.
“Kjo është një luftë agresioni. Ukraina do të mbrojë veten dhe do të fitojë. Bota mund dhe duhet ta ndalojë Putinin. Koha për të vepruar është tani”, shkroi ai në Twitter.
Shtetet e Bashkuara
Presidenti Joe Biden ka dënuar Rusinë për një "sulm të paprovokuar dhe të pajustifikuar" ndaj Ukrainës, ndërsa ka premtuar se vendi i tij dhe aleatët e saj "do ta bëjnë Rusinë përgjegjëse".
“Presidenti Putin ka zgjedhur një luftë të paramenduar që do të sjellë një humbje katastrofike të jetës dhe vuajtje njerëzore. Vetëm Rusia është përgjegjëse për vdekjen dhe shkatërrimin që do të sjellë ky sulm, dhe Shtetet e Bashkuara dhe aleatët dhe partnerët e saj do të përgjigjen në mënyrë të bashkuar dhe vendimtare. Bota do ta bëjë Rusinë përgjegjëse”, tha ai.
He asked me to call on the leaders of the world to speak out clearly against President Putin’s flagrant aggression, and to stand with the people of Ukraine.
— President Biden (@POTUS) February 24, 2022
Gjermania
Kancelari gjerman Olaf Scholz dënoi sulmin e Rusisë ndaj Ukrainës si një "shkelje të hapur të ligjit ndërkombëtar" që "nuk mund të justifikohet me asgjë".
Kombet e Bashkuara
Sekretari i Përgjithshëm Antonio Guterres dënoi veprimet e Rusisë, duke i thënë Putinit "të kthejë trupat në Rusi".
“Në emër të njerëzimit, mos lejoni që në Evropë të nisë një luftë, e cila mund të jetë lufta më e keqe që nga fillimi i shekullit me pasoja jo vetëm shkatërruese për Ukrainën, jo vetëm tragjike për Federatën Ruse, por me një ndikim që as nuk mund të parashikohet. ”
Mbretëria e Bashkuar
Kryeministri i Mbretërisë së Bashkuar Boris Johnson tha se ishte i tmerruar nga ngjarjet e tmerrshme në Ukrainë dhe ka folur me presidentin ukrainas Volodymyr Zelenskyy për të diskutuar hapat e ardhshëm.
“Presidenti Putin ka zgjedhur një rrugë gjakderdhjeje dhe shkatërrimi duke nisur këtë sulm të paprovokuar ndaj Ukrainës”, shkroi Johnson në Twitter.
I am appalled by the horrific events in Ukraine and I have spoken to President Zelenskyy to discuss next steps.
— Boris Johnson (@BorisJohnson) February 24, 2022
President Putin has chosen a path of bloodshed and destruction by launching this unprovoked attack on Ukraine.
The UK and our allies will respond decisively.
Bashkimi Europian
Blloku do ta mbajë Moskën përgjegjëse për sulmin “të pajustifikuar” ndaj Ukrainës, tha shefja e Komisionit Ekzekutiv të BE-së, Ursula von der Leyen.
“Në këto orë të errëta, mendimet tona janë me Ukrainën dhe gratë, burrat dhe fëmijët e pafajshëm ndërsa ata përballen me këtë sulm të paprovokuar dhe frikë për jetën e tyre,” tha ajo në Twitter.
Në një deklaratë, BE tha se liderët e saj do të diskutojnë një paketë të mëtejshme sanksionesh ndaj Rusisë në një takim urgjent më vonë gjatë ditës.
Këto “masa të mëtejshme kufizuese … do të imponojnë pasoja masive dhe të rënda ndaj Rusisë për veprimin e saj”, shtoi ai
Republika Çeke
Ministri i Jashtëm Jan Lipavsky tha se sulmi i Rusisë ndaj Ukrainës është një "akt barbar agresioni" dhe se vendi i tij do të përgjigjet së bashku me aleatët e tij.
“Vendimi i Kremlinit për të nisur një sulm krejtësisht të paprovokuar është i papranueshëm dhe në kundërshtim me ligjin ndërkombëtar,” postoi ai në Twitter.
I strongly condemn the Russian invasion of Ukraine. The Kremlin's decision to launch a completely unprovoked attack is unacceptable and in contradiction to international law. Together with Allies, we will respond to this barbaric act of aggression.
— Jan Lipavský (@JanLipavsky) February 24, 2022
Kinë
Ambasada kineze në Ukrainë u tha qytetarëve të saj në Ukrainë që të qëndrojnë në shtëpi si masë paraprake, pas bombardimeve në disa qytete të Ukrainës.
Polonia
Kryeministri polak Mateusz Morawiecki kërkoi një reagim të menjëhershëm ndaj agresionit të Rusisë ndaj Ukrainës, duke kërkuar sanksionet "më të ashpra të mundshme".
"Ne duhet t'i përgjigjemi menjëherë agresionit kriminal të Rusisë ndaj Ukrainës," shkroi Morawiecki në Twitter.
“Evropa dhe bota e lirë duhet të ndalojnë Putinin. Këshilli Evropian i sotëm duhet të miratojë sanksionet më të ashpra të mundshme. Mbështetja jonë për Ukrainën duhet të jetë reale.”
