Foto sa 1 mijë fjalë/ Qytetarët dhe deputetët i ndan kordoni policor
Nga OraNews Përditësimi i fundit 10 Shkurt 2022, 12:21
Paraditen e sotme banorët të cilëve u janë shembur shtëpitë, ose rrezikojnë të shemben për shkak të projektit të rindërtimit tek lagja "5 Maji' dhe projektit të Unazës së Madhe në Laprakë protestuan sot para Kuvendit.
Fotot e siguruara nga LSA tregojnë momentet kur policët vendosen para banorëve të "5 Majit" për të ndaluar që protestuesit të hyjnë brenda në Kuvend dhe për të lejuar deputetët të hyjnë pa u penguar në seancë.
Për fat të keq, ndryshe nga fushatat elektorale kur deputetët shkojnë edhe "derë më derë" te qytetarët këtë herë të pa shqetësuar ata vazhduan axhendën e tyre ditore, pa kthyer kokën te populli.
Rreth orës 10:00 kryeministri Rama u afrua te banorët e “5 Majit” dhe të Laprakës për të përçarë protestën. Ai mori disa përfaqësues nga banorët dhe më pas hyri në godinën e parlamentit. Mes tyre ishte dhe nënë Liza, e cila tha se sot do hyjnë në Parlament me çdo kusht.
Banorët e "5 Majit" prej muajsh po protestojnë pasi preken nga projekti i rindërtimit dhe sipas tyre bashkia nuk i ka ofruar asnjë marrëveshje se ku do të strehohen pasi shtëpitë e tyre të prishen.
