Para se të shkojë në SHBA Rama takohet me Yuri Kim: Në fokus Ukraina, OKB dhe korrupsioni
Nga OraNews Përditësimi i fundit 9 Shkurt 2022, 12:22
Ambasadorja Amerikane në vendin tonë Yuri Kim është takuar me kryeministrin Edi Rama para vizitës së tij në SHB.
Në një njoftim të ambasadës së SHBA-ve, bëhet me dije se përshëndetet mbështetjen e fortë dhe parimore të Shqipërisë për Ukrainën përballë agresionit rus.
Po ashtu shtohet se lufta kundër korrupsionit është prioritet kryesor për Shtetet e Bashkuara, duke vërejtur se barra e përgjegjësisë është natyrshëm më e madhe mbi ata që qeverisin.
Ambasada e SHBA-ve: Ambasadorja Kim u takua sot me kryeministrin Rama përpara vizitës së tij në Uashington DC. Ajo përshëndeti mbështetjen e fortë dhe parimore të Shqipërisë për Ukrainën përballë agresionit rus, qoftë si aleate e NATO-s ashtu edhe në Këshillin e Sigurimit të OKB-së, ku SHBA-të janë krenare që do të punojnë me Shqipërinë si "bashkë-penëmbajtëse" për Këshillin në çështjet e Ukrainës. Ambasadorja Kim nënvizoi se lufta kundër korrupsionit është prioritet kryesor për Shtetet e Bashkuara, duke vërejtur se barra e përgjegjësisë është natyrshëm më e madhe mbi ata që qeverisin. Ata biseduan gjithashtu mbi rëndësinë e forcimit të institucioneve demokratike, përparimin historik në forcimin e marrëdhënies sonë në mbrojtje, dhe hapat e mëtejshëm për të rritur tregtinë dhe investimet midis SHBA-së dhe Shqipërisë.
