Rritje e lehtë temperaturash, njihuni me parashikimin e motit për sot
Nga OraNews Përditësimi i fundit 9 Shkurt 2022, 07:25
Moti i qëndrueshëm do të jete dominant në të gjithë territorin shqiptar përgjatë gjithë 24-orëshit duke bërë që kthjellimet të jenë prezente në bregdet dhe zonat e ulëta.
Sipas MeteoAlb me kthjellime dhe vranësira të shpeshta paraqiten zonat malore përgjatë kufirit Lindor.
Orët vijuese do të mbeten nën dominimin e motit te kthjellët dhe vranësirave të lehta në të gjithë territorin.
Temperaturat e ajrit do të pësojnë rritje në mëngjes dhe mesditë duke luhatur vlerat ditore nga -5°C deri në 12°C.
Era do të fryjë mesatarisht me shpejtësi 40 km/h nga drejtimi verior – verilindor për pasojë në brigjet detare do të gjenerohet dallgëzim 3 ballë.
Rajoni dhe Europa
Aktivizimi i ciklonit të Islandës do të sjellë reshje të dendura shiu e dëbore në ishujt britanikë si edhe gadishullin skandinav.
Po ashtu, temperatura të ulëta dhe reshje dëbore do të mbeten prezent për vendet e Europës Lindore.
Ndërsa pjesa më e madhe e kontinentit Europian do të jetë në ndikimin e kushteve të qëndrueshme atmosferike duke bërë që moti të jetë i kthjellët.
