Saimir Tahiri dy fjalë para se të çohet në burg: Jam moralisht i qetë! Është padrejtësi
Nga OraNews Përditësimi i fundit 4 Shkurt 2022, 18:06
Saimir Tahiri ka reaguar pas u dënua nga Gjykata e Posaçme e Apelit, me 3 vite e 4 muaj burg.
Në një postim që ka bërë në rrjetet sociale, ai shkruan se vendimi i Gjykatës është padrejtësi, ndërsa shton se s'e ka shkelur asnjëherë ligjin.
Ndër të tjera ai shprehet se është i qetë, ndërsa thekson se është i lumtur për detyrën që ka bërë.
Postimi i plotë:
Ju dua shume te gjitheve! Me vjen keq qe shkoi keshtu. Jam moralisht i qete, nuk kam shkelur kurre ligjin, kam dashuruar cdo dite te punes sime, jam i lumtur qe kam bere detyren sic me mire munda.
Eshte thjeshte PADREJTESI!
Gjykata vendosi që ta dënojë Saimir Tahirin 3 vite e 4 muaj burg.
Gjatë fjalës së tij kreu i trupes gjykuese u shpreh se provohet lidhja e Tahirit me Moisi Habilajn e Artan Habilajn.
Po ashtu, gjykata theksoi se eshte verifikuar se Saimir Tahiri ka përfituar shërbime të padrejta dhe shpërdorimi i detyrës nga ana e tij ka dëmtuar shtetin.
Ish-ministri i Brendshëm Saimir Tahiri do të zhvendoset në paraburgimin e burgut 313.
