Burri me të dashurën i vjedh kushërirës nga Peshkopia çantën me miliona lekë e bizhu, shpallen në kërkim
Nga OraNews Përditësimi i fundit 6 Janar 2022, 08:45
Një 36 vjeçar me të dashurën e tij ka organizuar vjedhjen e valixhes me para e bizhuteri të kushërirës së tij, bën të ditur policia.
Ata janë shpallur në kërkim.
"36-vjeçari, pasi ka marrë informacion se kushërira e tij, shtetasja K. Gj., do të udhëtonte nga Peshkopia në drejtim të Tiranës, me një valixhe me para, në bashkëpunim me të dashurën e tij, shtetasen Q. H., ka organizuar vjedhjen e valixhes" informon policia e Tiranës
Ne autobus të dyja
Policia nuk bën të ditur datën por tregon skemën
E dashura e tij është paraqitur si udhëtare në linjën e furgonit me të cilin do të udhëtonte kushërira dhe pasi ka udhëtuar disa orë, ka zbritur në Tiranë, duke marrë edhe valixhen, me pretendimin se ishte e saj.
Në cilësinë e provës materiale u sekuestruan 1.400.000 lekë të rinj, 2770 euro, 340 paund dhe disa bizhuteri floriri.
Shpallen në kërkim dy autorët e vjedhjes:
L. D., 36 vjeç banues në Tiranë,
Q. H., 26 vjeçe, banuese në Peshkopi, Dibër.
Komisariati i Policisë Nr. 4 thotë se vjedhja është dokumentuar me prova ligjore. Materialet i kaluan Prokurorisë së Rrethit Gjyqësor Tiranë, për veprime të metejshme procedurale, për veprën penale "Vjedhja", kryer në bashkëpunim.
