Dyfishohen rastet me Covid në Shqipëri/ 801 të infektuar dhe 2 humbje jete në një ditë, mes viktimave një 33-vjeçar nga Elbasani
Ministria e Shëndetësisë ka njoftuar se në 24 orët e fundit, në vendin tonë janë konfirmuar 801 raste të reja me Covid, nga 5,166 testime të kryera në total.
Një numër më shumë se dy herë më i madh nga rastet pozitive me Covid (335 raste pozitive),që u konfirmuan ditën e djeshme, 3 janar.
Mësohet se sot, 4 janar, dy persona kanë humbur jetën, bëhet fjalë për një qytetar nga Elbasani 33 vjeç dhe një qytetar nga Vlora 73 vjeç.
Aktualisht në spitalet COVID po marrin trajtim 113 pacientë, nga të cilët 16 janë në gjendje më të rënduar.
Ndërsa 351 qytetarë janë shëruar gjatë 24 orëve të fundit, duke e çuar numrin e të shëruarve në 201,748 që nga fillimi i epidemisë.
Të infektuarit janë në këto bashki: 436 në Tiranë, 37 në Durrës, 30 në Sarandë, Elbasan, 29 në Vlorë, 24 në Fier, 20 në Lushnje, 19 në Shkodër, 17 në Lezhë, Gjirokastër, 10 në Peqin, Gramsh, 9 në Kamëz, Mallakastër, Kuçovë, 8 në Patos, 7 në Berat, 5 në Kavajë, Klos, Përmet, Tepelenë, 4 në Kurbin, Dibër, Divjakë, Dimal, 3 në Pukë, Kukës, Vorë, Memaliaj, Korçë, Pogradec, 2 në Tropojë, Krujë, Mat, Delvinë, Konispol, Skrapar, Librazhd, Prrenjas, 1 në Malësi e Madhe, Has, Mirditë, Bulqizë, Selenicë, Dropull, Poliçan, Këlcyrë, Cërrik.
Statistika (04 Janar 2022)
Raste të reja ditore 801
Të shëruar në 24 orë 351
Të shtruar në spitale 113
Humbje jete në 24 orë 2
Testime ditore 5,166
Testime totale 1,495,002
Raste pozitive 212,021
Raste të shëruara 201,748
Raste Aktive 7,049
Humbje jete 3,224
Shpërndarja gjeografike e rasteve aktive sipas qarqeve:
Tiranë 3,326
Fier 711
Durrës 645
Shkodër 451
Elbasan 441
Vlorë 433
Berat 284
Gjirokastër 225
Lezhë 213
Korçë 143
Dibër 106
Kukës 71

