A do shkoni të dëshmoni për incineratorët nëse thirreni nga drejtësia? Rama: Jam në dispozicion, s'kam asnjë hezitim
Nga OraNews Përditësimi i fundit 30 Dhjetor 2021, 12:57
LSI ka dërguar disa padi ndaj Veliaj dhe Ramës për incineratorin e Tiranës.
Në konferencën me gazetarët, Kryeministri Ram u pyet nëse është i gatshëm të dëshmojë në Prokurori lidhur me këtë çështje.
Nëse do thirreni nga drejtësia për sa i përket çështje së incineratorëve pas padisë të bërë nga LSI ndaj jush the Veliajt, a do paraqiteni. Rama tregoi gatishmëri të plotë përballë drejtësisë.
Rama: Nuk e diskutoj fare që çfarëdolloj nevoje të ketë për mua Prokuroria unë jam në dispozicion. Nuk kam asnjë hezitim. Nuk jam nga ata që i flasin vetes në vetën e tretë edhe që bëjnë logje se sa të pastër janë dhe kur ka ardhur puna për të shkuar në Prokuroria i janë shmangur Prokurorisë ose me forcë ose me kartela mjekësore.
Ai bëri dhe batuta me një prej gazetarëve që teshtiu gjatë kohës që po fliste.
Rama: Fjalë shumë e vërtetë se ishte një teshtimë domethënëse për fundin e vitit.
