AMF, aplikacion për llogaritjen e dëmit ndaj personave
Nga OraNews Përditësimi i fundit 15 Dhjetor 2021, 15:52
Personat e aksidentuar do të kenë një referencë më shumë në kërkesat e tyre për dëmshpërblim te shoqëritë e sigurimit.
Në faqen e Autoritetit të Mbikëqyrjes Financiare është publikuar llogaritësi i dëmeve ndaj personit, për të gjitha rastet e dëmeve ndaj personit me humbje të përhershme të aftësisë për pune ose në raste vdekje.
Aplikacioni i jep mundësi të dëmtuarve që të llogarisin me përafërsi vlerën e dëmshpërblimit.
Sipas këtij institucioni, ky aplikacion u vjen në ndihmë edhe palëve përfituese, si edhe vetë ekspertëve të fushës në vlerësimin e dëmit dhe trajtimin e kërkesave për dëmshpërblim.
Sipas një njoftimi zyrtar të Autoritetit të Mbikëqyrjes Financiare, risitë e këtij shërbimi kanë të bëjnë me përllogaritjen automatike të vlerës së dëmeve dhe edukimin e konsumatorëve në fushën e sigurimeve.
Ky aplikacion ofron gjithashtu transparencë mbi vlerën e dëmit pasuror dhe dëmit jopasuror.
