Topi i Artë për Lionel Messin. Ja çmimet e tjera që u dhanë në ceremoni

Nga OraNews Përditësimi i fundit 29 Nëntor 2021, 20:36

Në Paris u zhvillua ceremonia e madhe e mbrëmjes Gala e cila kulmoi me dhënien e “Topi i Artë”, çmimit më prestigjoz për karrierën e një lojtari të futbollit.

Lionel Messi ishte fituesi i madh i mbrëmjes me argjentinasin që fitoi Topin e Artë, të shtatin në karrierë si asnjë lojtarë tjetër në planet duke mundur kështu konkurencën me Robert Lewandowskin.

Por nuk ishte vetëm ky çmim që u dha në “Théâtre du Châtelet” buzë lumit të Senës në këtë ceremoni, një nga ndërtesat historike të Parisit, ndërtuar në vitin 1862 dhe ku në vitin 2019, u zhvillua edhe ceremonia e fundit me Lionel Mesi sërish fitues.

Çmimin portierit më të mirë të vitit, trofeu “Lev Yashin” shkoi për heroin e Italisë në Euro 2020, Gianluigi Donnarumma që merr kështu premion për një vit fantastik.

Kemi fituesen e Topit të Artë për femra e cila është spanjollja Alexia Putellas e cila triumfoi në Champions League për femra me fanellën e Barcelonës.

Topi i Artë për Lionel Messin. Ja çmimet e tjera që u

Robert Lewandowski u ngushëllua me çmimin një çmim në Paris. Polaku u shpall si sulmuesi më i mirë i vitit pas një “mali” me gola qe shënoi me Bayernin dhe Poloninë.

Çmimin e parë të akorduar këtë mbrëmje ishte për lojtarin më të mirë të ri ose trofeu Kopa që shkoi për spanjollin Pedri i cili shkëlqeu këtë sezon me Barcelonën dhe me Spanjën në Euro 2020.

Chelsea u shpall klubi më i mirë I vitit. Një çmim i ri i përfshirë ketë vit nga “France Football”. Ekipi londinez fitoi Champions League ndërsa ekipi për femra u shpall kampione në Angli./Ora News/.