Pamjet skandaloze, ndeshja në Gjirokastër luhet mes baltës dhe fushës si moçal
Nga OraNews Përditësimi i fundit 29 Nëntor 2021, 16:01
Këto janë pamjet që vijnë nga ndeshja Luftëtari-Flamurtari në Kategorinë e Dytë, e zhvilluar ditën e djeshme në Gjirokastër.
Pamjet nga ndeshja ishin në kufijtë e absurditetet, ku përposh shiut që binte, lojtarët janë përballur edhe me gjendjen skandaloze të fushës së mbushur me ujë dhe baltë.
Madje, këto kështu vështirësonin edhe lëvizjen e topit, ku lojtarët kishin vështirësi që të bënin pasime mes tyre.
Ndërkohë. Arbitri edhe pse ka parë gjendjen skandaloze të fushës, e ngjashme me një moçal, nuk vendosi që ndeshja të ndalej.
Në këtë stadium kishte më se dy vite që nuk zhvilloheshin takime, pasi Luftëtari e nisi nga e para pas shkrirjes së klubit dhe ndeshjet e Kategorisë së Tretë i zhvilloi në kryeqytet.
Siç duket kjo situatë ka bërë që fusha në Gjirokastër të lihet pas dore, duke u shndërruar kështu në një moçal kur bie shi.
