Krimi Ekonomik bllokon makinën me ilaçe pa pullë në Tiranë, në pranga dy farmacistë
Nga OraNews Përditësimi i fundit 18 Nëntor 2021, 15:08
Sektori për Hetimin e Krimeve Ekonomike dhe Financiare në policinë e Tiranës kanë sekuestruar një sasi ilaçesh të dyshuara kontrabandë, pa pullë fiskale.
Operacioni policor i koduar “Covid Time”ka vënë në pranga 2 farmacistë, J. D., 42 vjeç dhe J. P., 26 vjeçe.
Ata akuzohen për veprat penale “Tregtimi dhe transportimi i mallrave kontrabandë’’, ‘’Prodhimi dhe tregtimi i barnave dhe pajisjeve mjekësore të falsifikuara ose të rrezikshme për shëndetin’’, “Fshehja e të ardhurave” dhe “Shkelja e të drejtave të pronësisë industriale.
"Shërbimet e Policisë kanë ndaluar në bulevardin “Zhan D’Ark”, automjetin në të cilin ndodheshin këta dy shtetas. Gjatë kontrollit të ushtruar në këtë mjet janë gjetur dhe sekuestruar në cilësinë e provës materiale një sasi medikamentesh të ndryshme mjekësore pa pullë fiskale, të dyshuara kontrabandë".
Materialet i kaluan Prokurorisë së Rrethit Gjyqësor Tiranë për veprime të mëtejshme procedurale.
