Rrëzimi i Laçit në fillim të kampionatit, Lushkja: Trajneri i ri nuk e njihte ekipin tonë, nuk kuptoheshim
Nga OraNews Përditësimi i fundit 7 Nëntor 2021, 22:48
Lojtari i ekipit të Laçi, Regi Lushkja, në një lidhje me Skype për "Ora Sport" në RTV Ora shpjegon arsyet se pse ekipi i Laçit nuk dha performancë të mirë në fillim të kampionatit.
Ai thotë se trajneri i ri malazez nuk e njihte mirë ekipin, gjë që ndikoi në komunikimin me lojtarët. Gjithashtu ai tha se në ekip kishte dhe shumë hyrje të reja. Sipas tij lojtarët e rinj u vështirësuan të ambientoheshin.
"Patëm ndryshimin, iku trajneri Turo erdhi një trajner tjetër. Ai pati idetë e tij, filozofinë e tij të lojës plus. Çdo trajner ka idetë e veta. Besoj se nuk e ka njohur mjaftueshëm ekipin tonë. Plus ka pasur shumë afrime tjera, futbollistët e rinj u vështirësuan të përshtaten me ekipin. Na kanë mbajtur pak mbrapa në ndeshjet e para të kampionatit.
E kishim përgatitur shumë mirë ndeshjen me Teutën, është ekipi shumë i fortë. Trajneri na tha duhet të japim maksimumin dhe të luajmë lirshëm, dhe çdo gjë do vij drejt asaj që dëshirojmë. Kishim probleme psikologjike, ishim të bllokuar në fillim" u shpreh Lushkja.
