Egzona Ademi mes këngës dhe aktrimit: Prindërit donin të bëhesha mjeke, unë zgjodha atë që desha
Nga OraNews Përditësimi i fundit 2 Nëntor 2021, 19:39
E ftuar në emisionin e pasdites "Jeto me Orën", këngëtarja dhe aktorja nga Kosova, Egzona Ademi rrëfeu jetën e saj në Tiranë, qyteti ku ka krijuar tashmë karrierën e saj e që ajo e cilëson si vendin ku ka gjetur veten
"Tirana më mban këtu, pasi këtu kam gjetur veten" u shpreh ajo.
Ademi u ndal tek fillimet e saj në muzikë dhe në aktrim. Ajo rrëfeu se teatrin e ka ndjerë që në vogëli.
"Më ka pëlqyer era e teatrit, aktorët më dukeshin të çuditshëm" u shpreh ajo.
Ademi rrëfeu se prindërit e saj donin që ajo të zgjidhte mjekësinë, por ajo vendosi artin pasi aty ndihej vetvetja.
Ademi ndau një moment të veçantë, teksa kujtoi babanw e saj të ndjerë.
"Kënga "Krahët i ndjej", është më e përjetuara ,më kujton tim atë, aty jam unë" rrëfeu Ademi.
Këngëtarja u nda edhe tek eksperienca që po përjeton me "Kosheren" duke e cilësuar si mjaft argëtuese."
“Kosherja, është qejf ,në fund të ditës e shijoj shumë” u shpreh ajo.
