Komisioni për Reformën Zgjedhore, PD depoziton në Kuvend kërkesën me 4 pika
Nga OraNews Përditësimi i fundit 27 Tetor 2021, 15:37
Partia Demokratike ka depozituar në Kuvend, kërkesën për ngritjen e Komisionit për Reformën Zgjedhore.
Kërkesa e hartuar nga 10 deputetë të grupit parlamentar të PD-së, të cilën Ora News e disponon, kërkon hartimin e ndryshimeve kushtetuese dhe të kuadrit ligjor.
Demokratët duan që anëtarësia e këtij komisioni të formohet me pjesëmarrjen e partive parlamentare me përbërje të barabartë mes shumicës dhe pakicës si dhe zgjatjen e veprimtarisë së saj për një afat 6 mujor që nga data e miratimit.
PD kërkon që ky komision të trajtojë rekomandimet e raporteve të OSBE-ODIHR si për zgjedhjet e 25 prillit 2021, dhe të zgjedhjeve të mëparshme të patrajtuara, rekomandimeve të institucioneve përgjegjëse për zgjedhjet dhe partive politike parlamentare.
