Plas skandali me futbollistët, çertifikata false vaksinimi për lojtarët në Premier League
Nga OraNews Përditësimi i fundit 26 Tetor 2021, 18:02
Në Premier League ka ende lojtarë apo pjesëtarë stafesh që refuzojnë vaksinimin dhe nuk duan që të jetë me detyrim. Edhe klubet angleze nuk kanë përdorur rrugën e vaksinimit me detyrim për lojtarët pavarësisht thirrjeve të Federatës Angleze për vaksinim masiv në futboll kundër covid-19.
Sot gazeta më e madhe “Daily Mail”, ka publikuar një skandal me pasaportat e vaksinimit të cilat po shiten masivisht për futbollistët që nuk duan të vaksinohen kundrejt një shume të majme, 1 mijë Paund.
Këtë ofertë e kanë marrë shumë lojtarë, ku shumë prej tyre kanë raportuar menjëherë te autoritetet ndërsa nuk ka siguri nëse dikush e ka pranuar dhe ka marrë një çertifikatë të tillë.
Premier League ka njoftuar se 68% e lojtarëve nën kontratë janë plotësisht të vaksinuar dhe 81% e tyre kanë të paktën një dozë. Megjithatë, dihet se këto përqindje ndryshojnë midis ekipeve./Ora News/.
