Nga “falenderoj Zotin që të solli në jetën time” në Facebook te vrasja, çfarë ndodhi mes dibranit dhe ganezes
Nga OraNews Përditësimi i fundit 2 Tetor 2021, 19:32
“Falënderoj Zotin çdo ditë që të solli në jetën time dhe të dua shumë Bukuroshe.”
Kështu shkruante 26-vjeçari Klinton Pira në Facebook, teksa postonte foto me 31-vjeçaren Jawsackie Jaboah nga Gana.
Ai e vrau me thikë ditën e sotme shtetasen ganeze duke e qëlluar disa herë më thikë, ndërsa Pira është hedhur nga kati i 8-të duke vdekur në vend.
Nga ana tjetër 31-vjeçarja ka dalë nga banesa dhe ka zbritur poshtë duke kërkuar ndihmë nga peronat që ndodheshin aty.
Ajo u dërgua fillimisht në spital për të marrë trajtim shëndetësor, por fatkeqësisht nuk i ka mbijetuar plagëve të marra.
Po sipas dëshmive të banorëve aty pranë, mësohet se çifti është zënë për disa minuta dhe më pas gjendja ka precipituar deri në plagosje e rëndë me thikë.
Po ashtu, banorët bëjnë me dije se çifti kishte disa kohë që kishin nisur zënkat me njëri-tjetrin.
Ngjarja e rëndë ka ndodhur afër shkollës “Pjetër Budi”, pranë Gjykatës së Tiranës, te ish-Ekspozita.
Deri më tani nuk dihet nëse çifti kishin konflikte apo mosmarrëveshje mes tyre.
