Tetovë: Nuk dihet ende numri i viktimave, ishin 84 pacientë brenda në spital kur shpërthyen flakët
Nga OraNews Përditësimi i fundit 8 Shtator 2021, 23:54
"Një aksident tragjik ka nodhur në Tetovë ku ka marrë flakë një spital Covid. Nga flakët raportohet për viktima, por nuk dihet ende enumri i saktë i personave që kanë humbur jetën,” deklaroi ministria e Shëndetësisë.
“Të plagosurit dhe gjendja e tyre po përcaktohet për momentin.”
"Zjarri tashmë është shuar dhe të gjitha ekipet nga spitali janë mobilizuar për të ndihmuar të plagosurit. Ata u transportuan urgjentisht në Shkup për tu dhënë kujdesin e duhur, ekipet e Klinikës janë të mobilizuar.
"Së shpejti do të dalim me informacione të reja," tha Filipçe.
Zjarri në spitalin Covid shpërtheu në orën 21:00 dhe u përhap me shpejtësi, ndoshta për shkak të instalimit të oksigjenit të nevojshëm për të trajtuar pacientët. Kishte 84 pacientë në kohën e zjarrit. Sipas informacioneve jozyrtare, ka viktima në mesin e mjekëve.
Të gjithë nga kabineti qeveritar duke filluar nga Kryeminsitri Zoran Zaevi, zv/kryeministri Artan Grubi, Ministri i shëndetësisë, Venko Filipçe, ministri i MPB-së Oliver Spasovski dhe ministra e zv/ministra kanë arritur të gjithë në Tetovë, duke përfshirë edhe kryetarin e BDI-së, Ali Ahmetin, pas zjarrit që shpërtheu në COvid Qendrën në Tetovë.
