E rëndë! Vriten me armë zjarri dy politikanë në Kosovë, mes tyre dhe kandidati i PDK-së në Pejë

Nga OraNews Përditësimi i fundit 8 Shtator 2021, 21:48

Një ngjarje e rëndë ka tronditur mbrëmjen e sotme Kosovën. 

Në prag të zgjedhjeve që do të mbahen më 17 tetor, dy politikanë të Partisë Demokratike të Kosovës kanë vrarë me armë zjarrin njëri-tjetrin.

Si pasojë e të shtënave me armë zjarrin, kanë mbetur të vrarë, kandidati për kryetar të Pejës nga radhët e PDK-së, Astrit Ademaj dhe ish-kandidati i PDK-së për Deçanin, Blerand Kadriaj.

Si pasojë e të shtënave, është plagosur edhe vëllai i Astrit Ademajt, Avni Ademaj, 

Sipas policisë së Kosovës ngjarja ka ndodhur rreth orës 20:20, afër Shkollës Ekonomike “Ali Hadri” në Pejë.

Si ndodhi ngjarja 

Dy viktimat dyshohet se kanë qenë në një lokal dhe për një moment kanë sulmuar njëri tjetrin.

Mësohet se Ademaj e Kadriaj  fillimisht kanë pasur një konflikt mes vete, e me pas kanë qëlluar me armë drejt njëri-tjetrit ku dhe kanë mbetur të vrarë.

Po ashtu, në vendin e ngjarjes u sekuestruan dy armë zjarri, që dyshohet se janë përdorur nga dy viktimat kundrejt njëri-tjetrit.

Ndërkohë në vendin e ngjarjes ndodhet Prokuroria e Departamentit të Krimeve të rënda dhe po merret me rastin.