"Presim me padurim kur do të jemi të gjithë së bashku", djali i Thaçit flet për vizitën në Hagë
Nga OraNews Përditësimi i fundit 4 Shtator 2021, 18:26
Familja Thaçi vijon ta ndjejë përditë e më tepër mungesën e kryefamiljarit të tyre, ish-presidentit Hashim Thaço.
Djali i tij Endrit Thaçi, ka publikuar në rrjetin social Instagram një fotografi me nënën e tij, Lumnie Thaçi.
Në përshkrimin e fotografisë, Endriti tregon se pak kohë më parë kanë vizituar edhe ish-presidentin Thaçi në Hagë.
“Me nanën këto ditë të fundit të verës. Kemi takuar edhe babin ca kohë më parë dhe i presim me padurim ditët kur të gjithë do të jemi së bashku përsëri, në Kosovën që aq shumë e don”, ka shkruar ai në Instastory.
Ish-presidenti i Kosovës Thaçi ndodhet në paraburgim në Hagë që nga 5 nëntori i vitit 2020.
Ai akuzohet për krime që dyshohet se janë kryer në luftën për pavarësi të fundit të viteve 1990, përfshirë vrasje dhe tortura.
