Rinis aksioni për shembjen e ndërtimeve në bregdet
Nga OraNews Përditësimi i fundit 1 Shtator 2021, 12:18
Ministri i Brendshëm Bledi Çuçi bën me dije se do të rifillojë aksioni “Bregdeti Ynë” për shembjen e objekteve pa leje në zonat bregdetare. Në një postim në Facebook, ministri thekson se ndërprerja ishte e përkohshme për të mos penguar sezonin turistik.
Fillimisht do të shemben dy objekte në Dhërmi dhe më pas do të vijojë puna në të gjithë vijën bregdetare.
"Rifillojmë sot operacionin “Bregdeti Ynë” për shembjen e objekteve pa leje apo në tejkalim flagrant të lejes së ndërtimit. Ndërprerja ishte e përkohshme për të mos penguar sezonin turistik. Si fillim do të shemben dy objekte në Dhërmi për të vijuar më pas në të gjithë vijën bregdetare dhe në çdo zonë tjetër të Shqipërisë ku është ndërtuar pa leje. E kam thënë edhe më herët dhe po e përsëris, ky nuk është thjesht dhe vetëm një aksion, por një punë e vazhdueshme e IKMT-së dhe Policisë së Shtetit për kontrollin e çdo metër katror të territorit. Gjej shesh të lirë, zapto e ndërto pa leje, të mos e mendojë më askush," shkruan Çuçi./OraNews/
