Rey Manaj rikthehet në Serinë A, Barça arrin akordin me Spezian për sulmuesin kuqezi
Nga OraNews Përditësimi i fundit 31 Gusht 2021, 08:07
Rey Manaj largohet nga Barcelona. Sulmuesi shqiptar i cili ishte protagonist me katalanasit gjatë fazës përgatitore, tashmë do të nisë një aventurë tê re në Serinë A.
Është Spezia e cila ka bërë një ofertë për sulmuesin shqiptar për të cilin kishte interes edhe nga skuadra të tjera shkruan Ora News.
Manaj ka njê vlerë afro 1 mln euro dhe transferimi i tij do të bëhet përfundimisht, ndoshta në huazim me të drejtë blerjeje e tani priten vetëm testet mjekësore.
Zjarr në një fabrikë në Tiranë, të paqarta shkaqet
31 Gusht, 07:45
Nuk përjashtohet që sulmuesi kuqezi teksa është në grumbullim me kombëtaren në Varshavê të kryej atje testet dhe procedurat për transferimin te Spezia.
Klubi italian drejtohet nga një ish i Barçës, si Thiago Motta dhe kishte kërkuar edhe një përforcim në sulm duke mbyllur kështu akordin për 24-vjecarin shqiptar për të cilin bêhet fjalë për një rikthim në Itali ku ka luajtur më parë me Interin e Mancinit.
